June 23, 2024, Sunday
२०८१ असार ९
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

एनसेल खरिद-बिक्री प्रकरणविरुद्ध वैज्ञानिक समाजवादी विद्यार्थी संगठनको प्रदर्शन

२०८० मंसिर २१

2.4K

काठमाडौंः वैज्ञानिक समाजवादी विद्यार्थी संगठन, नेपालले एनसेलको शेयर खरिद तथा बिक्रीमा भएको अनियमितताविरुद्ध विरोध प्रदर्शन गरेको छ । बिहीबार काठमाडौंको शान्तिवाटिकामा संगठनले उक्त कार्यक्रमको आयोजना गरेको हो ।

प्रदर्शनकारी विद्यार्थीहरुले नाराबाजी गर्नुका साथै विभिन्न प्लेकार्डहरु पनि प्रदर्शन गरेका थिए । प्रदर्शन गरेका प्लेकार्डहरुमा ‘कर छल्नु अपराध हो’ , ‘जनता लुटेर कर छल्न पाइँदैन’ , ‘बहुराष्ट्रिय कम्पनीका दलालहरु होसियार’ , ‘बहुराष्ट्रिय कम्पनीको हस्तक्षेप बन्द गर’ । लगायतका नाराहरु लेखिएका थिए ।

कार्यक्रमलाई संगठनका केन्द्रीय सदस्यहरु फूलमतीले सञ्चालन गरेका थिए भने प्रदीप विश्वकर्माले कविता वाचन गरेका थिए । त्यस्तै हिमांशु र शमशेरले कार्यक्रमलाई सम्बोधन गरेका थिए ।

विरोध प्रदर्शन कार्यक्रमलाई सम्बोधन गर्दै हिमांशुले बहुराष्ट्रिय कम्पनीहरुले नेपालको सार्वभौमसत्तामाथि हस्तक्षेप गरेको र यो हस्तक्षेप गर्नुको कारण वर्तमान राजनीतिक व्यवस्था भएकाले यसको वैकल्पिक राजनीतिक व्यवस्थाको खोजी गर्नुपर्ने बताएका थिए । अन्यथा एनसेल जस्ता प्रकरणहरु निरन्तर सिर्जना भइरहने उनको भनाइ थियो । त्यस्तै अर्का वक्ता शमसेरले वर्तमान राज्यसत्ताले सर्वसाधारण जनता तथा आम श्रमजीवीहरुलाई ढाड सेक्ने गरी कर थोपर्ने तर जनतालाई लुटेर मनग्य नाफा कमाइरहेका पुँजीपतिहरुलाई कर छली गर्ने छुट दिइरहेको बताएका थिए ।