September 25, 2023, Monday
२०८० आश्विन ९
Nepal 1:37:26 pm
सत्य र तथ्यको खोजी यात्रा
थाहा संवाददाता 
काठमाडौँः नेकपा माओवादी केन्द्रका अध्यक्ष पुष्पकमल दाहाल प्रचण्डले आलोपालो सरकार बन्ने दाबी गरेका छन् । प्रेस सेन्टर नेपालद्वारा आज ललितपुरमा आयोजित केन्द्रीय पदाधिकारीको बैठकलाई सम्बोधन गर्दै अध्यक्ष दाहालले सरकारमा आलोपालो हुने भन्ने कुरा स्पष्ट नै भएको उल्लेख गरेका हुन् ।
माओवादीलाई निमिट्यान्न पार्न धेरै शक्ति लागेको बताउँदै उनले यसको रक्षा गर्ने सबैको साझा दायित्व भएको जनाए । त्यस्तै यो निर्वाचन अपेक्षित नभएको बताउँदै उनले खतम भएको देख्न चाहने शक्तिले माओवादीलाई कमजोर बनाउन खोजे पनि स्थिति त्यस्तो नभएको बताएका छन् ।
साथै कार्यक्रममा उनले नेपालको राष्ट्रिय राजनीतिको चाबी माओवादीसँग भएको बताउँदै मुलुकलाई सही दिशातर्फ लैजाने अभिभारा माओवादीको रहेको धारणा राखेका छन् ।
