June 18, 2024, Tuesday
२०८१ असार ५
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

भोज खाँदा सयौं जना बिरामी,अनुगमनमा राज्यको छैन ध्यान

२०७९ मंसिर २७

960

काठमाडौंः चितवनको चितवन गार्डेन रिसोर्टमा बिहे भोज खाएका ३०० जना बिरामी भएका छन् । बिहे भोज खाएकाहरुलाई पखाला लाग्ने, बान्ता हुने, ज्वरो आउने जस्ता विभिन्न समस्याहरु देखिएको छ ।

कतिपय बिरामी भरतपुरको नेशनल सिटी अस्पतालमा भर्ना नै भएका छन् । एउटै भोजमा सहभागी भएर पखाला, वान्ता र ज्वरो आएका बिरामीहरु अस्पतालमा भर्ना भएको अस्पतालका फिजिसियन डा. गौरीराम महतोले जानकारी दिएका छन् । उनका अनुसार अहिलेसम्म अस्पतालमा ७० जनाभन्दा बढी बिरामीको उपचार भैसकेको छ । बिरामी परेकाहरु नवलपुरको गैंडाकोट–१ का गणेश ढकाल र भरतपुर–१० की करिश्मा अधिकारीको मंसिर २३ गतेको विवाह समारोहमा सहभागी भएका थिए । बिहे भोज खाएका दुलाहा पक्षका २५० जना जन्ती र केही दुलही पक्षका बिरामी परेका छन् ।

जन्तीमा सहभागी गैंडाकोटका सविन लम्सालले भोजमा सहभागीमध्ये दुवै तिरका गरेर ३ सय जना बिरामी परेको बताए । उनले होटलले गुणस्तरहीन खाना खुवाएर बिरामी बनाएको भन्दै होटल सञ्चालकलाई कारबाही गर्नुपर्ने माग आफूहरुको रहेको बताए ।

यसअघि पाल्पा र तनहुँमा पनि बिहे भोजकै कारण ८० जना भन्दा बढी बिरामी भएका थिए । बारम्बार यस्ता घटनाहरु घटिरहँदा पनि खाद्य प्रविधि तथा गुण नियन्त्रण विभाग र नेपाल गुणस्तर तथा नापतौल विभागले भने यसखाले घटनालाई रोक्ने कुनै ठोस निति नै अपनाएको छैन । नेपाल गुणस्तर तथा नापतौल विभाग र खाद्य प्रविधि तथा गुण नियन्त्रण विभागका कर्माचारीहरु पनि खाद्यन्न गुणस्तर अनुगमनको अवस्थाबारे प्रश्न गर्दा मौन बस्ने गर्दछन् । यसरी केही सिमित व्यक्तिहरुका फाइदाका लागि सिंगो नागरिकको नागरिकको जीवनसंग राज्यले नै खेलबाड गरिरहेको समेत पुष्टि हुन आएको छ ।