June 18, 2024, Tuesday
२०८१ असार ४
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

महिला मन्त्रालयबाट महिला आयोगलाई सहयोग भएनः अध्यक्ष पराजुली

२०७९ मंसिर २९

855

काठमाडौंः राष्ट्रिय महिला आयोगकी अध्यक्ष कमला पराजुलीले महिला मन्त्रालयबाट आयोगलाई सहयोग नभएको गुनासो गरेकी छन् । बिहीबार काठमाडौंमा आयोजित आयोगका क्रियाकलापका सम्बन्धमा पत्रकारसंग चौमासिक अन्तक्र्रिया कार्यक्रममा अध्यक्ष पराजुलीले आयोगका गतिविधीलाई सहज बनाउन मन्त्रालयले सहयोग नगरेको र नटेरेको गुनासो गरेकी हुन् । मन्त्रालयको असहयोग कै कारण आयोगको बजेट फ्रिज हुने अवस्थामा पुग्दा पनि महिला हिंसा पिडितलाई आयोगले सहयोग गर्न नसकेको उनको भनाइ छ ।

उनले आयोगले बिभिन्न नीतिगत काम, सिफरिस, अनुगमनका साथै हिंसा पीडितलाई न्याय दिन पनि काम गरिरेहेको जिकिर गरिन् । देशैभरका पालिकामा पहुँच पुर्‍याउन सातै प्रदेशमा कार्यालय राख्नुपर्ने भएपनि त्यसो हुन नसकेकाले केन्द्रमा पहुँच हुनेले मात्रै आयोगमा उजुरी गर्ने देखिएको उनले बताइन् । आयोगले साउनदेखि अहिलेसम्म घरेलु तथा महिला हिंसाका ३ सय ४७ वटा उजुरी दर्ता भएको जानकारी दिएको छ । जसमा घरेलु हिंसाका ३ सय १६ र महिला हिंसाका ३१ घटना रहेका छन् ।