February 27, 2024, Tuesday
२०८० फाल्गुन १५
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

बन्दुक देखाएर लप्सीफेदीका जनता तर्साउँदै सरकार

२०७९ पुष २०

2.4K

काठमाडौंः राज्यले जबर्जस्ती विद्युत प्रसारण लाइनको सबस्टेसन बनाउन लागेको भन्दै काठमाडौंको शंखरापुर नगरपालिका–३, लप्सीफेदीकाका स्थानीयहरुले विरोध जनाइरहेका छन् । ४५६ मेगावाटको अपर तामाकोसी जलविद्युत् आयोजनाको विद्युत प्रसारण लाइनको सबस्टेसन बनाउँदा राज्यले औपनिवेशिक लादेको र करिब २ सय रोपनी जग्गा अधिग्रहण गरेर त्यहाँका रैथाने समुदायलाई विस्थापित पार्न खोजिएको भन्दै स्थानीयहरु विरोधमा उत्रिएका हुन् ।

६ सय भन्दा बढी घरधुरीमा रहेका आदिवासी तामाङ समुदायहरु २ सय रोपनीभन्दा बढी जमिन अतिक्रमण हुने भएपछि आफ्नो थातथलो बचाउन भन्दै विद्रोहमा उत्रिएका छन् । तैपनि राज्यले भने प्रहरी नै परिचालन गरेर हतियार देखाइ स्थानीय जनतालाई त्रसित बनाएर जबर्जस्ती जग्गा अधिग्रहणका लागि जग्गा नाप्ने काम गरिरहेको छ । जनताका माग र मुद्धालाई बेवास्ता गरेर एकलौटी ढंगले हतियार सहितका प्रहरी नै परिचालन गरेर राज्यले दमन गरेरै अघि बढ्नाले पक्कै पनि समस्याको समाधान हुने देखिदैन । यसमा राज्यले गम्भीर ढंगले सोचविचार गरेर स्थानीय जनताको माग र मुद्धालाई सम्बोधन गरेर मात्र थप कदम चाल्नुपर्ने देखिएको छ ।