अर्काको नाममा ट्रायल दिने र दिन लगाउने २ जना पक्राउ

मोरङको सुन्दरहरैचा नगरपालिका ५ बाँसबारीस्थित यातायातको ट्रायल सेन्टरमा अर्काको नाममा ट्रायल दिने र ट्रायल दिन लगाउने २ जनालाई प्रहरीले पक्राउ गरेको छ। उनीहरूलाई प्रहरीले सोमबार दिउँसो पक्राउ गरेको हो। पक्राउ पर्नेहरूमा सुनसरी भोग्राहा गाउँपालिका ७ बस्ने ३३ वर्षीय षडानन्द महतो र २५ वर्षीय रामचन्द्र यादव हरेका छन्।

षडानन्द महतोको नाममा यादवले मोटरसाइकलको ट्रायल दिने क्रममा प्रहरी चौकी गछियाबाट खटिएको प्रहरीले फेला पारी उनीहरूलाई प्र.१-०२-०४५ प ९४३ नम्बरको मोटरसाइकलसहित पक्राउ गरेको हो। यस सम्बन्धमा प्रहरीले थप अनुसन्धान गरिरहेको छ।