राज्य संरचनामा प्रविधि बुझेको मान्छे भए प्रविधि विस्तारमा सहज हुन्छः सीके राउत

काठमाडौंः जनमत पार्टीका अध्यक्ष डा। सीके राउतले राज्यको संरचनामा नयाँ प्रविधि बुझेको मान्छे हुनुपर्ने बताएका छन् । काठमाडौंको भृकुटीमण्डपमा चलिरहेको सूचना प्रविधि मेलाको अवलोकन गर्दै अध्यक्ष राउतले राजनीतिक तहमा प्रविधिसँग जानकार व्यक्तिको पहँुच भएमा देशमा प्रविधिको विस्तार गर्न सहज हुने बताएका हुन् । ‘सूचना र प्रविधि क्षेत्रको विषयमा जानकार नभइदिँदाखेरि हाँस्यास्पद स्थितिहरु पनि हामीले देख्ने गरेका छौं । त्यो भएर सकेसम्म राजनीतिक ठाउँमा प्रविधिसँग जानकार व्यक्तिको पहुँच भयो भने प्रविधिको विस्तार गर्न सहज हुन्छ’ उनले भने ।

राज्यले कुनै पनि प्रविधिको प्रयोग गर्दा त्यसको सुरक्षाको सम्बन्धमा ध्यान दिनुपर्ने उनको भनाइ छ । प्रविधिको प्रयोग गर्दा राज्यले डेटा सर्भर कहाँ राख्ने ? सुरक्षा नीति के हुने ? लगायतको विषयमा विशेष रुपमा ध्यान पुर्‍याउनुपर्ने डा. राउतले बताए । ‘राज्य संयन्त्रले कुनैपनि प्रविधि एडप्ट गर्दाखेरि धेरैकुरा सोच्नुपर्ने हुन्छ । जस्तो कि डेटा सर्भर कहाँ छ रु त्यसमा सुरक्षा नीति के खालको हुनेछ ? सुरक्षा प्रत्याभुति दिनसक्छौँ कि सक्दैनौँ ? र सबैकुरा फेलरको ब्याकअप कस्तो छ ? पूर्ण रुपमा फेलर भयो भने अनि के गर्ने ? धेरै कुरा सोचेर मात्रै कदम चाल्नुपर्ने हुन्छ’ उनले भने ।