June 18, 2024, Tuesday
२०८१ असार ५
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

गौवधको आरोपमा बागलुङबाट चारजना पक्राउ,आन्दोलन नै गर्दा पनि सरकार मौन

२०७९ फाल्गुन ११

940

काठमाडौंः गाई काटेको आरोपमा जिल्ला प्रहरी कार्यालय बागलुङले ४ जनालाई पक्राउ गरेको छ । जैमिनी नगरपालिका वडा नम्बर ५ बिनामारेमा गाई काटेका ४ जनालाई प्रहरीले सोमबार पक्राउ गरेको हो । पक्राउ पर्नेमा सोही स्थानका २७ वर्षीय डिलबहादुर परियार, ३५ वर्षीय हरिबहादुर सार्की, २४ वर्षीय बिसन दर्जी र ३८ वर्षीय टंकबहादुर सार्की रहेका छन् ।

डिल बहादुर परियारको गोठमा चार जना मिलेर गाई काटिरहेको सूचनाको आधारमा पुगेको प्रहरीले उनीहरुलाई रंगेहात पक्राउ गरिएको प्रहरी निरीक्षक राजाराम खड्काले जानकारी दिए । पक्राउ परेकाहरुलाई पशुपंक्षी सम्बन्धी कसूरमा बुधबार मुद्धा दर्ता गरी जिल्ला अदालत बागलुङबाट थप अनुसन्धानको लागि ५ दिनको म्याद थप गरिएको पनि खड्काले बताए ।

यसअघि पनि रसुवा र सोलुखुम्बुबाट गरी ७ जनालाई पक्राउ गरिएको थियो । पक्राउ परेसंगै धर्म निरपेक्षताको मर्म विपरीत भएको भन्दै विभिन्न व्यक्तिहरुले विभेदकारी कानुन खारेजी संघर्ष समिति नै बनाएर आन्दोलन समेत गरिरहेका छन् । तर,राज्यले भने आन्दोलनलाई बेवास्ता गर्दै निरन्तर गौवधको आरोपमा विभिन्न स्थानबाट मानिसहरुलाई पक्राउ गरिरहेको छ ।