न्याय माग्दै मध्यरातमा संसद र सर्वोच्चकाे भित्तामा रंग छ्यापेर प्लेकार्ड प्रदर्शन

जस्मिन ओझा भन्छिन्,‘ हामीले रातको १२ः०० बजे सुरू गरेर ३ः०० बजे बिहानसम्म राजधानीमा रहेको देशकै सबै सर्वोच्च निकायहरूमा पुगेर प्रदर्शन गरेका छाैं। भोली बिहान उठ्ने बित्तिकै हरेकको गेटगेटमा हाम्रो एक विद्रोह छ। यो एउटा विनुको मात्रै हैन, लाखौ विनुहरूको कथा हो। यो विद्रोहको सुरूवात हो, अब हामी पछी हट्दैनौं ।’ उनले पीडितलाई थप पीडा दिने अदातलहरूको विरूद्धमा चर्को अवाज उठाउने र पछि नहटने बताएकी छन् ।

जिल्ला अदालत रामेछापले अभियोग लागेका व्यवसायी पवन कठायतलाई सफाइ दिएपछि पैसामा न्याय बिकेको भन्दै जस्मिन र विनुले सार्वजनिक रूपमा विरोध प्रदर्शन गरेका हुन् ।

रामेछाप जिल्ला अदालतकी न्यायाधीश इन्दिरा शर्माको एकल इजलासले बलात्कारको दाबी नपुगेको भन्दै कठाएतलाई पूर्ण सफाई दिइएकी थिइन ।