June 23, 2024, Sunday
२०८१ असार ९
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

जात व्यवस्था उन्मूलन मोर्चाको दोस्रो राष्ट्रिय भेला जेठ १० बाट हुने

२०७९ चैत्र १६

2.8K

काठमाडौंः वैज्ञानिक समाजवादी कम्युनिस्ट पार्टी,नेपालको जनवर्गीय संगठन जात व्यवस्था उन्मूलन मोर्चा,नेपालको दोस्रो राष्ट्रिय भेला वि.स. २०८० सालको जेठ १०,११ र १२ गते चितवनमा आयोजना हुने भएको छ । यस अघि यही चैत २५,२६ र २७ गते गर्ने भनिएको भेला गत १३ गते भर्चुअल माध्यममा भएको केन्द्रीय समितिको विस्तारित बैठकले सार्ने निर्णय गरेको हो ।

मोर्चाका संयोजक राजकुमार हिङमाङका अनुसार जात व्यवस्था विरुद्धको विद्रोह दिवसको अवसरमा गर्ने गरेर उक्त भेला सारिएको हो । मोर्चाले पश्चिम रुकुमको सोतीमा प्रेम गरेकै कारण ज्यान गुमाएका नवराज वि.क सहित ६ जनाको हत्या भएको दिनलाई जात व्यवस्था विरुद्धको विद्रोह दिवसका रुपमा मनाउँदै आइरहेको छ । उक्त भेलामा ७७ वटै जिल्लाहरुबाट प्रतिनिधिहरुको उपस्थिति हुने र अन्तराष्ट्रियस्तरबाट समेत प्रतिनिधिहरुको उपस्थिति हुने उनको भनाइ छ ।

हाल मोर्चाले दोस्रो राष्ट्रिय भेलालाई लक्षित गरी देशैभरी संगठन विस्तार गर्दै विभिन्न जिल्ला र प्रदेशहरुको भेला गर्दै आइरहेको छ ।