June 23, 2024, Sunday
२०८१ असार ९
Nepal 1:37:26 pm
सत्य र तथ्यको खोजी यात्रा
Trending
थाहा संवाददाता

बल प्रयोग गर्नु गल्ती थियोः गृहमन्त्री, राजीनामा देउः मिटरब्याज पीडित

२०८० बैशाख १३

1.5K

काठमाडौंः उपप्रधान तथा गृहमन्त्री नारायणकाजी श्रेष्ठले मिटरब्याज पीडितहरुमाथि काठमाडौंको शान्तिवाटिकामा गत वैशाख ४ मा प्रहरीले बल प्रयोग गर्नु गल्ती भएको स्वीकार गरेका छन् । बुधबार प्रतिनिधिसभाको बैठकमा बोल्दै उनले जुनसुकै कारणले मिटरब्याज पीडितमाथि बल प्रयोग गरे पनि त्यो गल्ती भएको भन्दै माफी मागेका हुन् ।

४ वैशाखमा सिंहदरबार घेराउ कार्यक्रममा जान लागेका मिटरब्याज पीडितलाई शान्तिवाटिकाको प्रवेशद्वार नै बन्द गरेर प्रहरीले लाठी,अश्रुग्याँस र पानीको फोहोरा हानेको थियो । आफूले त्यसै दिन बिहान बल प्रयोग नगर्न निर्देशन दिएको तर सुरक्षाकर्मीको फिल्ड कमाण्डरसम्म ठीक ढंगले समन्वय नहुँदा बल प्रयोग गरेर गल्ती भएको उनको भनाइ थियो ।

‘फिल्ड कमाण्डरको विश्लेषण गलत थियो । माइकिङ गरेर शान्तिपूर्ण रुपमा आउनु भन्दिनुपर्थ्यो । तर त्यहीँ कन्टेन गर्ने भन्ने निर्णय गरेछन् । बाहिरबाट मिसिने ग्रुपलाई पनि रोक्ने काम भएछ, त्यहाँ गल्ती भयो’ उनले भने, ‘९शान्तिवाटिकामा० ढोका बन्द गरेपछि पीडितले आदोलन गर्नुभयो, त्यही कारण झडप भयो ।’

 

उपप्रधानमन्त्री श्रेष्ठले मिटरब्याज पीडितलाई नियन्त्रणमा लिएपछि पनि बल प्रयोग भएको पाइएको भन्दै त्यहाँ पनि गल्ती भएको बताए । ‘जति कमजोरी भयो, गृहमन्त्रालयको नेतृत्व सम्हाल्ने व्यक्तिको नाताले पीडितहरुमाथि पुलिसको लाठी लाग्यो, त्यसका निम्ति म क्षमा याचना गर्न चाहन्छु’ उपप्रधानमन्त्री श्रेष्ठले भने । तर, मिटरब्याज पीडितहरुले भने गृहमन्त्रीको ठाडो निर्देशनमा नै प्रहरी दमन भएको भन्दै निरन्तर भइरहेका धर्ना,मार्च लगायतका कार्यक्रमहरुमा गृहमन्त्री श्रेष्ठको राजीनामा नै माग्दै आइरहेको छ ।