June 9, 2026, Tuesday
२०८३ जेष्ठ २६
Nepal 1:37:26 pm
सत्य र तथ्यको खोजी यात्रा
थाहा संवाददाता काठमाडौंः वैज्ञानिक समाजवादी कम्युनिस्ट पार्टी नेपालको जनवर्गीय संगठन जात व्यवस्था उन्मुलन मोर्चा,स्याङजा जिल्लाको पहिलो भेला सम्पन्न भएको छ । शनिबार स्याङजाको पुतलीबजार नगरपालिकामा जात व्यवस्था उन्मुलन मोर्चा,नेपालका केन्द्रीय संयोजक राजकुमार हिङमाङ,वैज्ञानिक समाजवादी कम्युनिस्ट पार्टी,नेपालको गण्डकी प्रदेश संयोजक विनोद सोनाम र जात व्यवस्था उन्मुलन मोर्चा,नेपालका विदेश विभाग संयोजक प्रेम बर्देवाको उपस्थितिमा उक्त भेला सम्पन्न भएको हो ।
भेलाले रेशम गोतामेको संयोजकत्वमा ११ सदस्यीय जिल्ला समितिको गठन गरेको छ । सदस्यहरुमा राजेन्द्र कुमार सापकोटा,सुन्दर परियार,दिपिका सोनाम,रुपा सोनाम अर्याल,निर्मला सोनाम,शर्मीला सोनाम,अनु सोनाम,अमृता सोनाम र सञ्जय गोतामे रहेका छन् । जात व्यवस्था उन्मुलन मोर्चा,नेपालले हाल देशव्यापी संगठन विस्तार अभियान चलाइरहेको छ ।