April 16, 2026, Thursday
२०८३ बैशाख ३
Nepal 1:37:26 pm
सत्य र तथ्यको खोजी यात्रा
थाहा संवाददाता काठमाडौंः नेपाल छापाखाना तथा आबद्ध श्रमिक संघ, कान्तिपुर पब्लिकेशन एकाइ प्रतिष्ठानको आयोजनामा दसैँ, तिहार, छठ तथा नेपाल संवतको अवसरमा शुभकामना आदान प्रदान कार्यक्रम सम्पन्न भएको छ । बिहीबार काठमाडौंको धुम्बाराहीमा कान्तिपुर यूनिप्रेस प्रतिष्ठानको अध्यक्ष तथा नेपाल ट्रेड यूनियन कांग्रेस बागमती प्रदेशको उपाध्यक्ष निमा लामाको सभापतित्वमा कार्यक्रम सम्पन्न भएको हो ।
कार्यक्रममा नेपाल ट्रेड यूनियन कांग्रेस राष्ट्रिय समितिको उपमहासचिव बलदेव तामाङ प्रमुख अतिथि र अतिथिहरुमा उपमहासचिव कुल बहादुर खड्का,केन्द्रीय सदस्य अर्जुन पाठक, NTUC बागमती प्रदेशका अध्यक्ष गणेश भट्टराई, सहसचिव उदय लामा लगायत यूनिप्रेसका सल्लाहकारहरु, केन्द्रीय पदधिकारीहरु लगायत ट्रेड यूनियनका नेताहरु सहभागी भएका थिए ।
उक्त शुभकामना तथा चियापान कार्यक्रममा कान्तिपुर पब्लिकेशनमा कार्यरत सम्पूर्ण श्रमिकहरुलाई सामाजिक सुरक्षा कोषमा आबद्द गर्ने अभियानमा तिहार पश्चात लाग्ने अध्यक्ष निमा लामाले प्रतिबद्धता जाहेर गरका थिए । त्यस्तै श्रमिकहरुको हकहितमा सहयोगको लागि नेपाल ट्रेड यूनियन कांग्रेसले कुनै पनि कसुर बाँकी नराख्ने प्रमुख अतिथि बलदेव तामाङले बताएका थिए ।
त्यस्तै अबको अभियान कान्तिपुरमा लामो समय काम गरेका श्रमिकहरुलाई स्थायी गराउने र सामाजिक सुरक्षा कोषमा आबद्द गराउनुपर्ने योजनामा निमा लामा लगायत प्रतिष्ठानको सदस्यहरु लाग्नुपर्ने र यसका लागि भरमग्दुर सहयोग गर्ने बागमती प्रदेशको अध्यक्ष गणेश भट्टराईले प्रदिबद्दता जाहेर गरे । कार्यक्रमको अन्त्यमा सबै श्रमिकहरुले एकअर्कामा शुभकामना आदानप्रदान गर्दै नयाँ सदस्यता वितरण गरी कार्यक्रम सम्पन्न भएको थियो ।