August 20, 2026, Thursday
२०८३ भाद्र ४
Nepal 1:37:26 pm
सत्य र तथ्यको खोजी यात्रा
thaha_sanchar नेकपा एमालेले चुनावी अभियान आजबाट सुरु गर्दै
प्रमुख प्रतिपक्षी दल नेकपा एमालेले शुक्रबारदेखि देशव्यापी चुनावी अभियान सुरु गर्ने भएको छ । उक्त चुनावी अभियान सुदूरपश्चिमको दार्चुलाबाट सुरु गर्न लागिएको हो ।
पूर्व प्रधानमन्त्री तथा पार्टी अध्यक्ष समेत रहेका केपी शर्मा ओलीले दार्चुलाको सदरमुकाम खलंगामा शुक्रबार आयोजित चुनावी सभालाई सम्बोधन गर्दै अभियानको शुभारम्भ गर्ने एमालेले जनाएको छ ।
चुनाव अभियानको लागि बिहीबार राति धनगढी पुगेका ओली शुक्रबार बिहान ११ बजे हेलिकोप्टर मार्फत दार्चुला प्रस्थान गर्ने कार्यतालिका रहेको नेकपा एमाले सुदूरपश्चिम प्रदेश कमिटीका एक नेताले जानकारी दिए । साथै ओलीले शुक्रबार नै बैतडीको पाटन र कञ्चनपुरको महेन्द्रनगरमा पनि चुनावी सभालाई सम्बोधन गर्ने कार्यक्रम रहेको छ ।