यी हुन नेकपा एमालेले छानेको ३४ समानुपातिक सांसद (नामावली सहित)

काठमाडौंः नेकपा एमालेले प्रतिनिधिसभाको समानुपातिक पद्धतितर्फ पाएको ३४ सिटमा सांसद चयनका लागि निर्वाचन आयोगमा नाम पठाएको छ । शनिबार बसेको एमाले सचिवालय बैठकले १२ पुरुष र २२ महिला गरी ३४ जना चयन गरेको एमालेका उपमहासचिव पृथ्वीसुब्बा गुरुङले जानकारी दिएका हुन् ।

एमालेले आदिवासी जनजातितर्फ पुरुषमा देवीप्रसाद भट्टचन, हेमराज राई, कालुराम राई तथा महिलातर्फ नैनकला थापा, सूर्यकुमारी श्रेष्ठ, उर्मिला थेवे, ईश्वरी घर्ती, रणकुमारी बलाम्पाकी, शान्ति श्रेष्ठ र सरस्वती सुब्बाको नाम सिफारिस गरेको उनले बताए । त्यस्तै खसआर्य पुरुषतर्फ रघुजी पन्त, एकनाथ ढकाल, दयालबहादुर शाही र महिलातर्फ मेनका पोखरेल, सरिता भुसाल, शोभा ज्ञवाली, विजुला रायमाझी, निर्मला कोइराला, सम्झना थपलिया, दीपा शर्मा र सुनीता बरालको नाम पठाएको उनले जानकारी दिए ।

थारुतर्फ आश्माकुमारी चौधरी, शान्ति चौधरी तथा दलिततर्फ ईश्वरबहादुर रिजाल, प्रभु हजारा पासवान, चन्द्रबहादुर विश्वकर्मा , रुक्मणी राना बराइली र हर्कमाया विश्वकर्माको नाम सिफारिस गरिएको उपमहासचिव गुरुङले जानकारी दिए । त्यस्तै मधेशीतर्फ गंगाप्रसाद यादव, अमृतलाल राजवंशी, विना देवी, अमृता अग्रहरि, प्रतीक्षा तिवारी मुखिया तथा मुस्लिमतर्फ सराज अहमद खानको नाम पठाइएको उनले जानकारी दिएका छन् ।